பூ...

வி.ஜெயச்சந்திரனிடம் இருந்து சினேகிதி சுட்டதை, நான் சினேகிதியிடம் இருந்து சுட்டது... மற்றும் வி.ஜெ இடமிருந்து நான் நேரடியாகச் சுட்ட ஒரு பூவும். இவை சுட்ட பழம் அல்ல... சுட்ட பூ ;)

நெஞ்சில் இதம் தந்து

வஞ்சி குழல் கொண்டு

எஞ்சி நின்றாலும்

நிறம் மாறும் பூவே

நிறைவான் உன் வாழ்வு

மாற்றாருக் கின்பங் கொடுப்பதிலா?

வாசங் கொடுத்தாய் - அன்பர்க்கு

நேசங் கொடுத்தாய்...

ஆனால்...

நீ மட்டும் உதிர்ந்து

நம் நிலை யற்ற

வாழ்வை நினைவுறுத்தி

எவருக்குமே இன்பங்

கொடு வென்று

குறிப்பாற் கூறி

பசளை யாகிறாய்

நாம் (பூ) கவிழ்ந்திருக்கக் காரணம்:

நல் வாசம் தந்து -மனிதன்
மனதி லின்பமுந் தருகையில்
துட்டனைப் போல் வந்து
கெட்டதேதும் செய்யா எம்மை
மட்டமான நினைப்புடனே
தொட்டு எம்மைப் பறிப்பதனால்
மனிதா நீயல்லவா
தலை குனிய வேண்டு மென்றே
நல்லவற்றை மறந்த
அவனுக்கு நினைவூட்டுகிறோம்
நம் தலை மட்டுங் குனிந்து